I dag har vi hatt naboar til kaffi og nøttekake stod på menyen. Lettvint og grei. Likar slike kjapp-kjapp kaker. Veldig lett å huske oppskrifta. Oppskrifta er nemleg slik:
- 2 egg
- 2 dl sukker
- 200 g malte mandlar eller nøtter
- 2 ss smelta margarin
Pisk egg og sukker lenge til eggedosis. Ha i malte nøtter/mandlar .Ha i avkjølt smelta smør
Bunnen steikast midt i ovnen 180 grader i 35 minutt
Pleier å fylle den med krem og rørte bringebær. Først eit lag med krem blanda med rørte bringebær, så litt krem på toppen. Friske bringebær på toppen. Alternativt kan ein smelte 1 plate kokesjokolade i 1 pk fløte (varmast forsiktig opp). La sjokoladeblandinga stå til den er heilt avkjølt (gjerne over natta). Pisk så til krem og ha over kaka.
